被问会否回无线拍剧 离巢3年苏玉华坦言冇强烈谂法

摘要:好戏之人苏玉华,近年专注舞台剧方面发展,对上一套主演剧集已经系2018年头播出嘅《平安谷之诡谷传说》。现年52岁嘅苏玉华,1989年用舞台剧演员身份出道,成为5年嘅舞台剧演员后,1994年正式加入无线电视成为合约艺人。

好戏之人苏玉华,近年专注舞台剧方面发展,对上一套主演剧集已经系2018年头播出嘅《平安谷之诡谷传说》。㖊日苏玉华出席活动时,被传媒问到会唔会回巢拍剧,佢就话无线经常重播佢嘅剧集,所以要睇嘅话一定会睇到,至于会唔会返去拍剧,佢就冇好强烈嘅谂法,因为要睇好多条件嘅配合,睇剧本、角色、制作,或者系当时嘅心态去决定,同埋而家拍剧唔系净系得无线。

另外,苏玉华上年接受电台节目访问时,除咗大谈自己嘅演艺之路外,佢亦讲过喺无线工作系佢人生最痛苦嘅阶段。因为冇拒绝嘅机会,所有获派嘅工作都要做,好似佢就试过同时拍三套剧。之后,佢就向无线提出改签部头约,咁样佢就可以拣自己想接嘅工作,喺访问期间佢仲话:「你知道自己有可能一半以上时间拍紧垃圾,????个系最痛苦。」。㖊日佢就澄清话佢最想讲嘅系喺入无线初期拎住叠Rundown喊出嚟,唔系每一个作品都好理想,但系无线嘅演员同幕后人员都好勤力、好努力同好用心去做,其实呢班人系无线最宝贵嘅资源。

现年52岁嘅苏玉华,1989年用舞台剧演员身份出道,成为5年嘅舞台剧演员后,1994年正式加入无线电视成为合约艺人。加入无线后,佢参演过唔少剧集,当中有唔少角色,例如《刑事侦缉档案》Gigi、《真情》阿琴、《茶是故乡浓》宋霜华、《枭雄》曹月兰及告别作《平安谷之诡谷传说》宋鸣凤等等。喺2017年,佢想将重心放喺舞台剧发展,所以选择离开无线。至于感情方面,苏玉华与潘灿良拍拖24年,今年5月结束爱情长跑,正式入纸登记结婚。

以上便是小编给大家带来的《被问会否回无线拍剧 离巢3年苏玉华坦言冇强烈谂法》最新资讯,希望对大家有用。更多资讯,请关注波克娱乐官网