瘦仔变型男再变谷德昭!余文乐3星期怒减11磅

摘要:相当享受家庭生活嘅佢「养尊处优」,早前就被指中年发福惊变肥「那些年」嘅谷德昭,几经辛苦,型男余文乐终于返嚟喇!

现年38岁嘅余文乐2017与台湾「皮带大王」千金王棠云结婚,翌年诞下一子,今年6月佢再宣布老婆佗女,成功凑够好字!相当享受家庭生活嘅佢「养尊处优」,早前就被指中年发福惊变肥「那些年」嘅谷德昭,几经辛苦,型男余文乐终于返嚟喇!

佢喺社交网上载喺Gym房黑白照,留言:「三个星期从82kg >>> 77kg尽力了~」即系减咗5公斤(11磅)又话「no more lazy(唔懒得)」,尽展Man爆一面!其实畀网民话完发福后,佢开始的起心肝减磅,8月时就透露尝试「168断食法」,即系一日内只喺8个小时内食嘢,其他16个钟都唔食,不过佢就话去健身时完全冇力,仲向网民求救,但之后佢就冇再讲有冇持续呢个减肥法,不过点都好,如今短短3星期已经咁有成果,成功同肥仔撇清关系!

模特儿出身嘅佢,其实都算系瘦仔一名,身形瘦削,其后佢向歌影视三方发展,虽然喺乐坛唔系「长线投资」,但作品都为人熟悉,唔少90后都一定识唱,而喺影坛方面发展相当唔错,更曾夺得韩国《富川国际电影节》最佳男主角,而当年套《头文字D》至今都为人津津乐道!而最近佢就飞到大陆开工拍戏,唔知几时会睇到佢嘅新作呢?

以上便是小编给大家带来的《瘦仔变型男再变谷德昭!余文乐3星期怒减11磅》最新资讯,希望对大家有用。更多资讯,请关注波克娱乐官网